Kryeministri i vendit Ramush Haradinaj përmes një postimi në Facebook, ka ftuar qytetarët e katër komunave veriore për të dalë në zgjedhje dhe të votojnë kandidatët qe do të punojnë në të mirën e qytetarëve të këtyre komunave, përcjell arbresh.info

Haradinaj gjithashtu bëri thirrje edhe për zgjedhje të lira dhe demokratike, bazuar në Kushtetutën dhe ligjet tona me standardet më të larta demokratike ndërkombëtare./Arbresh.info/

Postimi i tij i plotë:

Pas vendimit të Presidentit të Republikës së Kosovës, për shpalljen e zgjedhjeve në Komunat e Zubin Potok, Zveçan, Leposaviq, dhe Mitrovicë e Veriut, ftoj subjektet politike të cilat garojnë në zgjedhjet e 19 Majit 2019, ta shfrytësojnë të drejtën e tyre kushtetuese për të përfaqësuar interesat e qytetarëve, duke marrë pjesë në këto zgjedhje.

Gjithashtu ftoj qytetarët e këtyre Komunave për të dalë në këto zgjedhje dhe të votojnë kandidatët më të mirë, që do të punojnë në të mirën e qytetarëve të këtyre komunave.

Bëj thirrje për zgjedhje të lira dhe demokratike, bazuar në Kushtetutën dhe ligjet tona dhe standardet më të larta demokratike ndërkombëtare.